बैशाख- १७

स्वास्थ्य तथा जनसंख्या मन्त्रालयले अस्पताल तथा स्वास्थ्य संस्थाभित्र गैरकानुनी गतिविधि नगर्न र नगराउन कडा चेतावनी दिएको छ ।

बिरामी र स्वास्थ्यकर्मीको स्वीकृतिबिना फोटोरभिडियो खिच्ने, भिडभाड गर्ने तथा उपचारमा अवरोध पुऱ्याउने गुनासो बढेपछि मन्त्रालयले यो कदम चालेको हो । 

मन्त्रालयले आज एक विज्ञप्ति निकाल्दै अस्पताल संवेदनशील क्षेत्र भएकाले स्वीकृतिबिना भिडियो बनाउने, स्वास्थ्यकर्मीलाई दुर्व्यवहार गर्ने वा दबाब दिने कार्य स्वास्थ्यकर्मी तथा स्वास्थ्य संस्थाको सुरक्षा सम्बन्धी ऐन, २०६६ र मुलुकी अपराध संहिता २०७४ को ठाडो उल्लङ्घन भएको स्पष्ट पारेको हो ।