साउन -९

काठमाडौँ-चिकित्सा शिक्षा र स्वास्थ्य क्षेत्र सुधारको माग राख्दै धनगढीस्थित कृष्ण मन्दिरमा सत्याग्रह गरिरहेका डा. गोविन्द केसीलाई शिक्षा तथा खेलकुदमन्त्री सस्मित पोखरेलले वार्ताका लागि प्रस्ताव गरेका छन्। मन्त्री पोखरेलले टेलिफोनमार्फत संवाद गर्दै सरकार डा. केसीका मागप्रति सकारात्मक रहेको र छलफलमार्फत समाधान खोज्न इच्छुक रहेको सन्देश दिएका हुन्।

डा. केसीका सहयोगी डा. अमृत जैशीका अनुसार शिक्षामन्त्रीले सचिवालयस्तरमा मागबारे छलफल भइरहेको जानकारी दिँदै वार्तामा बस्न आग्रह गरेका छन्।
डा. जैशीका अनुसार डा. केसीको तर्फबाट तत्काल सम्बोधन हुनुपर्ने तीन प्रमुख माग (बटम लाइन) सरकारसमक्ष राखिएको छ।